Ադրբեջանը հետաքրքրված է վրացական արտադրության հետևակի մարտական մեքենաներով
![](https://168.am/wp-content/uploads/2013/02/396444_341568059221734_134001229978419_1036670_1388840962_n.jpg)
Грузия Online-ի փոխանցմամբ՝ Ադրբբեջանն ու Հյուսիսային Կորեան հետաքրքրություն են ցուցաբերել վրացական արտադրության «Լազիկա» և «Դիդգորի» մարտական մեքենաների գնման նկատմամբ: Այս մասին հայտնել է Վրաստանի խորհրդարանի պաշտպանության ու անվտանգության հանձնաժողովի նախագահ Իրակլի Սեսիաշվիլին:
Վերջինիս խոսքերով՝ հետևակի մարտական այդ մեքենաներով հետաքրքրված են նաև այլ երկրներ: Նա հավելել է, որ հին կառավարությունը ոչինչ չի արել դրանց արտահանման ուղղությամբ և բավարարվել է միայն ներքին շուկայով:
Սեսիաշվիլին ընդգծել է, որ Վրաստանի ՊՆ-ը պլանավորել է արդիականացնել ռազմական տեխնիկա արտադրող «Դելտա» ձեռնարկությունը: