Հայկ Կասպարովը մշտական բնակություն կհաստատի Գերմանիայում
Երգիչ Հայկ Կասպարովը պատրաստվում է ընդմիշտ հեռանալ Հայաստանից: Այս մասին նա հայտնել է ArmStar.am-ին: Նշենք, որ 168.am-ի հետ ունեցած զրույցներից մեկի ընթացքում երգիչն ասել էր, որ մեկնում է երկրից իր սիրելիի հետ ամուսնանալու նպատակով և պատրաստվում է մշտական բնակություն հաստատել Գերմանիայի Շվերին քաղաքում: Նշենք, որ այնտեղ է բնակվում նաև երգչի ապագա կինը:
Մեզ հետ զրույցներից մեկի ընթացքում երգիչը նշել էր, որ Հայաստանում չի կարողանում լիովին տրվել իր աշխատանքին, իսկ Գերմանիայում, կարծում է, որ կկարողանա զբաղվել իր մասնագիտությամբ՝ կիբեռնետիկայով, ինչո՞ւ ոչ՝ նաև երգարվեստով: Երգիչը Հայաստանում է կարճ ժամանակով՝ փաստաթղթերը կարգավորելու նպատակով: