Փոլ Սքոուլզի «քթի տակից» գողացել են ավտոմեքենան
«Մանչեսթեր Յունայթեդի» կիսապաշտպան Փոլ Սքոուլզի մեքենան առևանգել են այն պահին, երբ ֆուտբոլիստն այն թողել Օլդհեմում գտնվող իր տան առջև՝ տաքանալու։ Հաղորդում է The Daily Mail-ը։
Սքոուլզը միացրել է 30 հազար ֆունտ արժողությամբ իր «Շևրոլե կապտիվա» ավտոմեքենայի շարժիչն ու վերադարձել տուն։ Դրանից օգտվել են առևանգողները։ Հայտնաբերելով, որ մեքենան անհետացել է, 38-ամյա մարզիկը հայտնել է այդ մասին ոստիկանությանը։
Այս պահին հետաքննություն է ընթանում։
Մարզական լրահոսն ապահովում է SportArmenia.com-ը
