Լրագրողն ազատազրկվել է թագավորական ընտանիքին վիրավորելու մեղադրանքով
Թաիլանդի դատարանը 10 տարի ազատազրկման է դատապարտել հայտնի քաղաքական ակտիվիստին և լրագրողին, գտնելով որ նրա հրապարակումները վիրավորական են թագավորական ընտանիքի համար:
Սամիոտ Պրուկսակասեմսուկը մեղավոր է ճանաչվել թագավորական անձին վիրավորելու և նրա հասցեին սպառնալու մասին օրենքը խախտելու մեջ:
2010թ. ընդդիմադիր «կարմիր վերնաշապիկավորների» շարժմանը համակիր հանդեսում տպագրվել է իշխանությանը քննադատող 2 հոդված: Հոդվածների հեղինակը ստորագրել էր կեղծանունով և մեղադրանքը ներկայացվել էր Պրուկսակասեմսուկին՝ որպես հանդեսի խմբագրի:
2011թ. ապրիլից լրագրողը գտնվում է բանտում: Նրա կողմնակիցներն ասում են, որ այնտեղ նա ենթարկվում է ծաղր ու ծանակի:
Մարդու իրավունքների պաշտպանները գտնում են, որ Թաիլանդի օրենքները կոչված են պաշտպանելու ինքնակալությանը և դրանք ավելի հաճախ են սկսել կիրառություն ստանալ խոսքի ազատությունը ճնշելու համար:
«Փաստինֆո»
