Լևոն Արոնյան – Էրվին Էլ’Ամի` 1/2. Մագնուս Կարլսենը մեծացնում է առավելությունը Tata Steel Chess

Վեյկ Ան Զեեում ընթացող Tata Steel Chess շախմատային փառատոնի A մրցաշարի 9-րդ տուրում Լևոն Արոնյանը սևերով ոչ-ոքի խաղաց հոլանդացի Էրվին Էլ’ Ամիի հետ և վաստակած 5.5 միավորով Հիկարու Նակամուրայի հետ շարունակում է կիսել 3-4-րդ հորիզոնականները:

Ոչ-ոքի արդյունքով ավարտվեցին նաև Պետեր Լեկո – Վիշվանաթհան Անանդ, Սերգեյ Կարյակին – Պենտալիա Հարիկրիշնա, Հիկարու Նակամուրա – Անիշ Գիրի և Վանգ Հաո – Ֆաբիանո Կարուանա պարտիաները: Իվան Սոկոլովը սպիտակներով պարտվել է Լյուկ վան Վելիին:

Աշխարհի ուժեղագույն գրոսմայստեր, մրցաշարային աղյուսակի միանձնյա առաջատար նորվեգացի Մագնուս Կարլսենը պարտության մատնեց չինուհի Հոու Յիֆանին և մեծացրեց առավելությունը 2-րդ տեղում ընթացող Վիշվանաթհան Անանդի նկատմամբ: Այս պահին մրցաշարային աղյուսակի առաջին հնգյակն ունի հետևյալ տեսքը.

1.Մագնուս Կարլսեն՝ 7 մ.

2.Վիշվանաթհան Անանդ՝ 6 մ.

3.Լևոն Արոնյան՝ 5.5 մ.

4.Հիկարու Նակամուրա՝ 5.5 մ.

5.Սերգեյ Կարյակին՝ 5 մ.

Մարզական լրահոսն ապահովում է SportArmenia.com-ը