Պայթյուն Վանաձորի քիմիական գործարանում. կա զոհ

Վանաձոր քաղաքի քիմիական գործարանում, դեռևս անհայտ պայմաններում, պայթյուն է հնչել, ինչի հետևանքով մեկ հոգի մահացել է: Այս մասին հաղորդում է shamshyan.com կայքը:

Ըստ տեղեկությունների` կան նաև վիրավորներ: Այս պահին ՀՀ Արտակարգ իրավիճակների նախարարության փրկարար ծառայության Լոռու մարզի փրկարար վարչության Վանաձորի հրշեջ-փրկարարական խումբը Վանաձորի ոստիկանության և շտապօգնության աշխատակիցների հետ ժամանում են դեպքի վայր: