Դի Մարիան հոգեբանական խնդիրներ ուներ. Կարանկա
Մադրիդի «Ռեալի» գլխավոր մարզիչ Ժոզե Մոուրինյոյի օգնական Այտոր Կարանկան խոսել է «Վալենսիայի» հետ արտագնա խաղում տարած լիակատար հաղթանակի մասին (5։0)։
«Մրցաշրջանի ողջ ընթացքում Մոուրինյոն պնդում էր, որ մենք փորձում ենք կատարելագործվել։ Ամեն ինչ անում ենք խաղային որակները լավացնելու համար։ Պետք է շարունակենք նույն ոճով։
Վալենսիայում ցուցադրեցինք թե ինչի ենք ունակ։ Սակայն գավաթային հանդիպումն այլ բնույթ կունենա։ Չորեքշաբթի մեզ այլ հանդիպում է սպասվում։
Ինչ վերաբերում է Դի Մարիային, ապա նա հոգեբանական խնդիրներ ուներ, սակայն նա այսօր վերադարձավ իր նախկին խաղին»,- Կարանկայի խոսքերն է մեջբերում ակումբի պաշտոնական կայքը։
Մարզական լրահոսն ապահովում է SportArmenia.com-ը
