1 դոլարով գնված Բետոմոբիլը վաճառվեց 4.6 մլն դոլարով (լուսանկարներ)
Ամերիկյան շոու-բիզնեսի օրինակելի հերոս Բեթմենի համար պատրաստված ավտոմեքենան վաճառվել է Barrett Jackson աճուրդի ժամանակ: 1966-1968 թթ. հեռուստասերիալի համար Lincoln Futura-ի մոդելով հատուկ թողարկված ավտոմեքենայի նոր տերը դրա համար վճարել է 4.6 մլն դոլար: Այս մասին հաղորդում է աճուրդի պաշտոնական կայքը:
Ավտոմեքենան մուգ կապույտ գույն ունի, յուրաքանչյուր դռան վրա կա Բեթմենի նշանը: Ամբողջ սերիալի ընթացքում հենց այս մեքենայով են շտապում հերոսություններ անել Բեթմենն ու Ռոբինը (Էդամ Ուեսթը և Բերթ Ուորդը), իսկ մեքենայի վնասվելու դեպքում նրանք դիմում են Բեթցիկլի օգնությանը:
USToday-ի հաղորդմամբ` Բեթոմոբիլի դիզայները` Ջորջ Բարիսն այն ժամանակին գնել է ընդամենը 1 դոլարով:
