Մահվան ելքով վրաերթ Կապան քաղաքում
Այսօր` հունվարի 19-ին, մահվան ելքով վրաերթ է տեղի ունեցել Սյունիքի մարզում: Ժամը 19:30-ի սահմաններում Կապան քաղաքի բնակիչ 40-ամյա Էդուարդ Մարտիրոսյանը, Հունան Ավետիսյան փողոցում, Կապանի կենտրոնական շուկայի դիմաց` վարելով Մերսեդես մակնիշի 33 ՏՕ 993 համարանիշի ավտոմեքենան, վրերթի է ենթարկել հետիոտն, Կապանի բնակիչ 60-ամյա Սամվել Դանիելյանին: Այս մասին տեղեկացնում է shamshyan.com-ը:
Ինչպես հայտնում է ֆոտոլրագրող Գագիկ Շամշյանը, վրաերթից հետո վարորդը փախուստի չի դիմել, իսկ վրաերթի ենթարկվածը մահացել է:
Դեպքի վայր են ժամանել Ճանապարհային ոստիկանության 2-րդ սպայակ գումարտակի 6-րդ վաշտի աշխատակիցները` վաշտի հրամանատար Արամ Գալստյանի գլխավորությամբ:
Փաստի առթիվ ոստիկանության քննչական գլխավոր վարչության Սյունիքի մարզի քննչական բաժնի Կապանի քննչական բաժանմունքում քննիչ Արմեն Հայրապետյանի կողմից նյութեր են նախապատրաստվում:
