Նոր մանրամասներ զինծառայողի մահվան պատճառների մասին
Պարտադիր ժամկետային զինծառայող, շարքային Արտյոմ Գագիկի Հակոբյանը մահացել է «Հեմորագիկ ինսուլտ, սպոնտան մասիվ սուբարախնոիդալ արյունազեղում արտահայտված ուղեղի մեդիալ հատվածներում, ուղեղի այտուց, ուղեղաբնի երկրորդային համախտանիշով, վիճակ տարած ջրծաղիկից հետո» ախտորոշմամբ:
Շարքային զինծառայողը մահացել է հունվարի 18-ին՝ ժամը 20:55-ին ՀՀ ՊՆ կենտրոնական կլինիկական զինվորական հոսպիտալում։
Փաստի առթիվ ՀՀ ՊՆ քննչական ծառայությունում հարուցվել է քրեական գործ ՀՀ քր. օր-ի 376 հոդ. 2-րդ մասով (անփույթ վերաբերմունք ծառայության նկատմամբ՝ որն անզգուշությամբ առաջացրել է ծանր հետևանքներ) և կատարվում է նախաքննություն:
ՀՀ ՊՆ տեղեկատվության և հասարակայնության հետ կապերի վարչություն
