Լիվերպուլը պատրաստ է 8 մլն ֆունտ վճարել Կոուտինյոյի համար
«Ինտերի» կիսապաշտպան Կոուտինյոն հայտնվել է «Լիվերպուլի» ուշադրության կենտրոնում։
«Մերսիսայդցիները» պատրաստ են 20-ամյա բրազիլացի ֆուտբոլիստի համար 8 մլն ֆունտ ստերլինգ վճարել։ Այս մասին հաղորդում է The Telegraph-ը։
Պարբերականի հաղորդմամբ՝ «Լիվերպուլը» կենտրոնացել է Կոուտինյոյի տրանսֆերի վրա այն բանից հետո, երբ փակուղում են հայտնվել Թոմաս Ինսի տեղափոխության շուրջ «Բլեքփուլի» հետ բանակցությունները։
Նշենք, որ Իտալիայի ընթացիկ առաջնությունում Կոուտինյոն մասնակցել է 10 հանդիպման՝ դառնալով 1 գոլի հեղինակ։
Մարզական լրահոսն ապահովում է SportArmenia.com-ը
