Լևոն Զուրաբյանը հանդիպել է ԵԽ ԽՎ պատվիրակությանը
Հայ Ազգային Կոնգրես խմբակցության ղեկավար Լևոն Զուրաբյանը հունվարի 17-ին հանդիպել է ԵԽ ԽՎ պատվիրակությանը՝ Կարին Վոլդսեթի գլխավորությամբ: Պատվիրակությունը Հայաստանում է գտնվում առաջիկա նախագահական ընտրությունների նախաշեմին ընտրական օրենսդրությունը և քարոզարշավը դիտարկելու նպատակով: Այս մասին տեղեկացնում են ՀԱԿ գրասենյակից:
ԵԽ ԽՎ պատվիրակության խնդրանքով Լևոն Զուրաբյանը ներկայացրել է Հայաստանի ներքին քաղաքական իրավիճակը: Ներկայացվել են նաև այն պատճառները, որոնք վճռորոշ դեր են խաղացել Հայ Ազգային Կոնգրեսի՝ ընտրություններին չմասնակցելու որոշում կայացնելու հարցում:
