Բալոտելիի գործակալը հանդիպել է Գալիանիի հետ
«Մանչեսթեր Սիթիի» հարձակվող Մարիո Բալոտելիի գործակալ Մինո Ռայոլան այսօր եղել է «Միլանի» գրասենյակում։ Այս մասին հաղորդում է La Gazzetta dello Sport-ը։
Աղբյուրի տվյալներով` գործակալի այցելության նպատակն էր իտալական ակումբի փոխնախագահ Ադրիանո Գալիանիի հետ հանդիպումը, որի ժամանակ կարող էր քննարկվել Բալոտելիի տրանսֆերը։
Հիշեցնենք, որ ավելի վաղ «Մանչեսթեր Սիթին» հայտարարել էր լավ առաջարկ լինելու դեպքում Բալոտելիին վաճառելու պատրաստականության մասին։
Սակայն «Միլանի» նախագահ Սիլվիո Բերլուսկոնին հայտարարել էր, որ մտադիր չէ իրականացնել իտալացու տրանսֆերը, քանի որ երիտասարդ ֆուտբոլիստը կարող է փչացնել թիմային մթնոլորտը։
Մարզական լրահոսն ապահովում է SportArmenia.com-ը
