Քննարկվում է զորակոչային տարիքը բարձրացնելու հարցը
Ինչպես հայտնում է ադրբեջանական APA գործակալությունը, այդ երկրի Պաշտպանության նախարարությունում և այլ պետական հաստատություններում քննարկվում է զորակոչային տարիքը բարձրացնելու հարցը: Ներկայիս 18 տարեկանի փոխարեն, քննարկվում է զորակոչային տարիքը 19 կամ 20 տարեկան դարձնելու հնարավորությունը:
Այս առաջարկը հիմնավորվում է նրանով, որ 18 տարեկան նորակոչիկների մեծ մասն անփորձ են, ֆիզիկապես և հոգեբանորեն անպատրաստ զինվորական ծառայության համար:
Հիշեցնենք, որ վերջին շրջանում ադրբեջանական բանակում տեղի ունեցած զինվորների սպանությունները բուռն դժգոհություն են առաջացրել հասարակության շրջանում, և նման քննարկումներ կազմակերպելով՝ փորձ է արվում ցույց տալ, որ այդ սպանությունների պատճառը զինվորների տարիքն ու անփորձությունն է:
