Եգիպտոսում վթարի է ենթարկվել նորակոչիկներին տեղափոխող գնացքը. կան զոհեր
Ամերիկյան Associated Press լրատվական գործակալության փոխանցմամբ՝ Եգիպտոսի մայրաքաղաք Կահիրեի արվարձանում վթարի է ենթարկվել ուղևորատար գնացքը: Նորակոչիկներին Վերին Եգիպտոսից Կահիրե տեղափոխող այդ գնացքը դեռևս անհայտ պատճառներով դուրս է եկել ռելսերից և շրջվել:
Միջադեպը գրանցվել է գիշերը, Գիզայի մերձակայքում: Վերջին տվյալներով՝ վթարի հետևանքով զոհվել է 19 մարդ, ևս 107 մարդ մարմնական վնասվածքներով տեղափոխվել է հիվանդանոցներ: Նշվում է, որ վերջին շրջանում Եգիպտոսում ուղևորատար գնացքների վթարները կրում են կանոնավոր բնույթ:
