ՀՀ ամենաորսորդ Ռոբերտ Քոչարյանի ուղղաթիռը ետ են ուղարկել. մամուլ
«Նախագահական ընտրություններին մասնակցելուց ձեռնպահ մնացած հանրապետության ամենաորսորդ Ռոբերտ Քոչարյանը շարունակում է ապրել երիտասարդ կենսաթոշակառուի առողջ կյանքով»,-գրում է «Հրապարակ» օրաթերթը և հավելում.
«Տեղեկություններ են շրջանառվում, թե վերջին շրջանում երկրորդ նախագահն ուղղաթիռով ուղևորվել է ծննդավայր՝ Լեռնային Ղարաբաղ, կոնկրետ Հորադիզ՝ որսի, սական, որքան էլ զարմանալի է, նրա ուղղաթիռը ետ են ուղարկել՝ հիմնավորելով, թե այդ տարածքում որսը խստիվ արգելվում է։ Թե Քոչարյանին որ որսատեղն է առաջարկվել՝ որպես այլընտրանք, հայտնի չէ»։
