Սաակաշվիլին վստահ է, որ Իլյա 2-րդը խոչընդոտելու է ռուսական ուղեծիր Վրաստան վերադառնալու փորձերին
Новости-Грузия-ի փոխանցմամբ՝ Վրաստանի նախագահ Միխեիլ Սաակաշվիլին երեկ վստահություն է հայտնել, որ Վրաց պատրիարք Իլյա 2-րդը խոչընդոտելու է ռուսական ուղեծիր Վրաստան վերադառնալու փորձերին.
«Ես վստահ եմ, որ Վրաց պատրիարքն արժանի պատասխան կտա և կխոչընդոտի Ռուսաստանի ուղեծիր Վրաստանի վերադարձման ամեն տիպի փորձերին: Մեզ ոչ ոք չի կարող կտրել Եվրոպական տնից: 2008 թվականի օգոստոսյան իրադարձությունների ժամանակ Վրաց եկեղեցին ակտիվորեն ներառվել էր այդ ժամանակվա բոլոր այժեմական խնդիրներում:
Ես լավ եմ հիշում, թե որքան մասշտաբային էր եկեղեցու դերը 2008 թվականի օկուպացման ժամանակ: Այդ բարդ ժամանակաշրջանում եկեղեցուն ակտիվորեն ներառվել էր ինչպես սոցիալական, այնպես էլ բոլոր այժմեական հարցերում»:
Հիշեցնենք, որ Սաակաշվիլին Վրաստանի վարչապետ Բիձինա Իվանիշվիլիին մեղադրել է երկրի արտաքին քաղաքականության վեկտորը փոխելու փորձի մեջ՝ ընդգծելով, որ Իվանիշվիլին Վրաստանն Արևմուտքից թեքում է դեպի Ռուսաստան:
