Սաակաշվիլին որոշել է հեռանալ մայրաքաղաքից
Վրացական GHN լրատվական գործակալության փոխանցմամբ՝ Վրաստանի նախագահ Միխեիլ Սաակաշվիլին որոշել է լքել Թբիլիսին և իր աշխատանքները շարունակել Սամեգրելո շրջանում ընկած Զուգդիդիի նստավայրից:
Վրացական «Ռեզոնանսի» թերթի տվյալներով՝ այս մասին Սամեգրելո շրջանի իշխանական ներկայացուցիչների հետ հանդիպման ժամանակ հայտարարել է անձամբ Սաակաշվիլին: Վրաստանի նախագահի մամուլի ծառայությունը ո՛չ հաստատել, ո՛չ էլ հերքել է այս տեղեկատվությունը:
Հիշեցնենք, որ նախորդ տարվա դեկտեմբերի կեսերին Վրաստանի վարչապետ Բիձինա Իվանիշվիլին Սաակաշվիլիին մեղադրել էր միանգամից 7 նստավայր ունենալու մեջ, որոնց պահպանումն ու կոմունալ ծախսերը շատ թանկ հաճույք են Վրաստանի պես երկրի համար, ուր կան բազմաթիվ աղքատ մարդիկ:
