Սիրիացի փախստականների քանակը հասել է 612.000-ի
Ռուսական Интерфакс լրատվական գործակալության փոխանցմամբ՝ վերջին տվյալներով սիրիացի փախստականների քանակը կազմում է ավելի քան 612.000 մարդ: Ընդ որում, խոսքը գնում է գրանցված փախստականների քանակի մասին: Այս մասին հայտարարել է ՄԱԿ-ի՝ փախստականների հարցերով գերագույն հանձնակատարի վարչությունը:
Վերջին մեկ ամսվա ընթացքում սիրիացի փախստականների քանակն ավելացել է 100.000-ով, իսկ ահա նրանց բնակության պայմաններն ունեն բարելավման կարիք:
Հիշեցնենք, որ ներկայումս Թուրքիայի տարածքում է ապաստան գտել ավելի քան 152.000 սիրիացի փախստական: