Իրանի խորհրդարանը չի հաստատել նախագահի կողմից նշանակված նախարարին

Իրանական Mehr լրատվական գործակալության փոխանցմամբ՝ Իրանի խորհրդարանը չի հաստատել Ալի Նիկզադի թեկնածությունը, որին երկրի նախագահ Մահմուդ Ահմադինեժադը նշանակել է Տեղեկատվական ու հեռուստահաղորդակցային տեխնոլոգիաների նախարար:

Այս մասին հայտարարել է Իրանի խորհրդարանի փոխնախագահ Հուսեին Մուզաֆարը: Վերջինիս խոսքերով՝ Տեղեկատվական ու հեռուստահաղորդակցային տեխնոլոգիաների նախարարի պաշտոնում Ալի Նիկզադի նշանակումը հակասում է երկրի օրենքներին: Մուզաֆարը նամակով դիմել է Մահմուդ Ահմադինեժադին՝ խնդրելով այդ պաշտոնում նշանակել մեկ ուրիշի:

Ներկայումս Նիկզադը հանդիսանում է Իրանի ճանապարհների նախարար: Իրանական օրենքներով՝ մեկ մարդը չի կարող միաժամանակ կատարել երկու նախարարների պարտականություններ: