Լուսանին ազատելու տեսանյութը «պայթեցրել» է You Tube-ը (տեսանյութ)
You Tube վիդեոհոսթինգում տարեսկզբին տեղադրվել է «Լուսանի ազատումը» խորագրով տեսանյութը: Դրանում պատկերված է, թե ինչպես է երիտասարդ անվախ մարդը, տեսնելով որսորդների դրած թակարդն ընկած լուսանին, նետվում նրան փրկելու: Սակայն լուսանն աչքի չի ընկել երախտագիտությամբ և փրկարարական աշխատանքների ժամանակ շարունակ ջանացել է կծել իր փրկչի ձեռքը:
Վերջիվերջո երիտասարդին հաջողվել է երկճյուղ փայտի օգնությամբ լուսանին սեղմել գետնին և ոտքի օգնությամբ նրան հանել թակարդից: Դրանից հետո լուսանը փորձել է հարձակվել երիտասարդի և նրա ընկերոջ վրա, որոնք ստիպված են եղել թաքնվել ավտոմեքենայի մեջ:
Միջադեպը գրանցվել է Կանադայի անտառներից մեկում: 4 րոպեանոց տեսանյութը You Tube-ում տեղադրվել է այս տարվա հունվարի 2-ին և արդեն իսկ ունի ավելի քան 5 միլիոն դիտում:
