Նիհարում ենք ստամոքսից սնունդը հեռացնող պոմպի օգնությամբ
Popsci.com-ի փոխանցմամբ՝ Segway էլեկտրաֆիկացված երկանիվ ինքնաշարժի հեղինակ Դին Կամենն այս անգամ աչքի է ընկել նոր հայտնագործությամբ: Նա հնարել է մի պոմպ, որի խողովակը տեղադրվում է մարդու ստամոքսում և այնտեղից հեռացնում է սնունդը՝ դա փոխարինելով պլաստիկ փաթեթում գտնվող ջրով՝ ընդ որում նույն քանակությամբ:
Տվյալ արարողությունը խորհուրդ է տրվում կատարել սննդի օգտագործումից 20 րոպե անց: Մի քանի անգամ օգտագործվելուց հետո Aspire Assist-ը ստամոքսից դուրս է բերում կուլ տված սննդի մինչև 30 տոկոսը: Տվյալ հետազոտմանը մասնակցած հիվանդները կարողացել են գործնականում ձերբազատվել ավելորդ քաշի կեսից:
Միևնույն ժամանակ նրանց մի մասը դժգոհել է, որ որոշակի բարդություններ են ի հայտ եկել ստամոքսից խոշոր չափի սննդի կտորների հեռացման հարցում: Նշվում է, որ այդ հրաշք-պոմպն արդեն իսկ հասանելի է Եվրոպայի մի շարք շրջաններում:
