Երկրագնդում աճեցված և արտադրված սննդի կեսն անիմաստ կորստյան է մատնվում
BBC-ի ռուսական ծառայության փոխանցմամբ՝ բրիտանացի փորձագետները պարզել են, որ Երկրում աճեցված և արտադրված սննդի 30-50 տոկոսը ոչ ոք չի ուտում: ԱՄՆ-ում և Եվրոպայում սննդամթերքի կեսը նետում են գնելուց հետո:
Փորձագետները սննդի այդ անիմաստ ավելցուկը պայմանավորում են մի շարք գործոնների համադրությամբ՝ ժամկետանց սննդամթերքի վաճառքի վրա դրված խիստ վերահսկողություն, բերքի վատ հավաքում և մարդկանց անփութություն:
Փորձագետներն այդ իրավիճակն անվանում են աղետալի՝ անհրաժեշտ համարելով սնվելու խելամիտ ռազմավարության մշակումը, քանի որ կանխատեսվում է, որ մինչև դարի վերջ երկրագնդի բնակչությունն աճելու է 3 միլիարդով:
