Ռուսաստանը բողոքի նոտա է հղել Ղազախստանին
Ռուսական «Կոմերսանտ» թերթի փոխանցմամբ՝ Ռուսաստանը պաշտոնական նոտա է հղել Ղազախստանին: Այն պատրաստել է Ռուսաստանի առաջին փոխվարչապետ, Ռուսաստան-Ղազախստան միջկառավարական հանձնաժողովի նախագահ Իգոր Շուվալովը:
Նոտայի հղումը կապված է 2012 թվականի դեկտեմբերի 10-ին Ղազախստանի խորհրդարանում Ղազախական տիեզերական գործակալության ղեկավար Տալգատ Մուսաբաևի ելույթի հետ, որում նա նշել էր, որ Ղազախստանը մտադիր է կրճատել ռուսական «Պռոտոն-Մ» հրթիռների արձակումը, ինչպես նաև նոր համաձայնագիր ստորագրել Բայկոնուր տիեզերակայանի վարձակալության վերաբերյալ:
Քաղաքագետները վստահ են, որ Ռուսաստանը ստիպված է լինելու լքել Բայկոնուր տիեզերակայանը:
