2010-2012 թվականներին Աֆղանստանում վիրավորվել է 93 վրացի զինծառայող
Ադրբեջանական Trend լրատվական գործակալության փոխանցմամբ՝ 2010-2012 թվականներին Աֆղանստանում վիրավորվել է 93 վրացի զինծառայող: Այս տեղեկատվությունը հրապարակել է Տեղեկատվության ազատության զարգացման ինստիտուտը:
Նշվում է, որ 2010 թվականին վիրավորվել է 20 զինծառայող, 2011 թվականին՝ 44 զինծառայող, իսկ 2012 թվականի նոյեմբերի 26-ի դրությամբ՝ 29 զինծառայող: Վրաստանն Աֆղանստանում տարվող խաղաղապահ օպերացիաներին մասնակցում է 2009 թվականի նոյեմբերից:
Ներկայիս դրությամբ Աֆղանստանում է գտնվում ավելի քան 1600 վրացի զինծառայող: Աֆղանստանում զոհվել է 19 վրացի զինծառայող, որոնցից 8-ը՝ 2012 թվականին:
