Ադրբեջանում նորակոչիկ է մահացել
Ադրբեջանական Haqqin.az ինտերնետային թերթի փոխանցմամբ`ադրբեջանական բանակը կրել է հերթական կորուստը: Այս անգամ միջադեպը գրանցվել է Դաշքեսանի շրջանում գտնվող զորամասում, ուր դիրքերում գտնվելու ժամանակ մահացել է 1994 թվականին ծնված, նորակոչիկ Ջեյհուն Զամանօղլու Գուբադովը:
Նախնական տվյալներով՝ զինծառայողը մահացել է սրտի կաթվածից: Ադրբեջանի պաշտպանության նախարարության մամլո ծառայության պետի տեղակալ Թեյմուր Աբդուլաևը հաստատել է տվյալ փաստը՝ ընդգծելով, որ զինծառայողը հանկարծակի մահացել է կեսգիշերի մոտ: Տարվում է հետաքննություն:
Գուբադովն ադրբեջանական բանակ էր զորակոչվել 2012 թվականի հոկտեմբերին:
