Ադրբեջանի զինված ուժերի հետախուզական ստորաբաժանումները կհամալրվեն մարտական նոր մեքենայով
Ադրբեջանական Turan լրատվական գործակալության փոխանցմամբ` Ադրբեջանի պաշտպանական արդյունաբերության նախարարությունը ներկայումս դիտարկում է բազմաֆունկցիոնալ զրահատրանսպորտի արտադրման հարցը: Այս մասին լրագրողների հետ զրույցում հայտարարել է Պաշտպանական արդյունաբերության նախարար Յավեր Ջամալովը:
Վերջինիս խոսքերով՝ իրենք մտադիր են երկրի հետախուզական ստորաբաժանումների սպառազինությունը համալրել մարտական հետախուզական-պարեկային նոր մեքենայով: Այն ունենալու է 23 միլիմետր տրամաչափի հրանոթ, երկու գնդացիր, նռնականետ և այլ սպառազինություն:
Մեքենան նախատեսված է ցամաքային և օդային ուժերի ու միջոցների դեմ մարտեր մղելու համար:
