Կոնտեն կարող է փոխարինել Մոուրինյոյին
Թուրինի «Յուվենտուսի» գլխավոր մարզիչ Անտոնիո Կոնտե հաջորդ մրցաշրջանից կարող է փոխարինել Մադրիդի «Ռեալի» գլխավոր մարզիչ Ժոզե Մոուրինյոյին։
La Gazzetta Dello Sport պարբերականի տվյալներով` իտալացի մասնագետն իսպանական ակումբի գլխավոր նպատակն է։ Նրա միջոցով «արքայական» ակումբը կկարողանա նվազագույն կորուստներով փոխարինել Մոուրինյոյին, ով, ամենայն հավանականությամբ, ամռանը կհեռանա Անգլիա։
Հիշեցնենք, որ նախորդ մրցաշրջանում Կոնտեն «Յուվենտուսի» հետ հաղթեց Սկուդետոն։
Մարզական լրահոսն ապահովում է SportArmenia.com-ը
