Չեմ հասկանում, թե ինչու է Իկերն անձեռնմխելի. Մոուրինյո
Մադրիդի «Ռեալի» գլխավոր մարզիչ Ժոզե Մոուրինյոն, ով արժանացել է Globe Soccer մրցանակին որպես 2012 թվականի աշխարհի լավագույն մարզիչ, խոսել է թիմի դարպասապահ և ավագ Իկեր Կասիլյասին պահեստայինների նստարանին պահելու մասին:
«Անցած շաբաթը բարդ էր: Սակայն ես սովորել եմ ճնշմանը: Հասկանում եմ, որ լրատվամիջոցներին ինչ-որ բան է պետք է վաճառեն, և հաճախ սուտն ապրանք է դառնում: Իմ գլխավոր նպատակն է մոտիվացիա հաղորդել ֆուտբոլիստներին:
Չեմ հասկանում, թե ինչու է Իկերն անձեռնմխելի: Կարծում եմ` մարզիչներն ու ղեկավարությունը պետք է անեն այնպես, որպեսզի դա օգուտ բերի թիմին: Ամեն ինչ շատ պարզ է»,-հայտարարել է Մոուրինյոն:
Մարզական լրահոսն ապահովում է SportArmenia.com-ը
