Հայտնի է նաև 5-րդ թեկնածուն
Կենտրոնական ընտրական հանձնաժողովն այսօր ընդունել է ինքնաառաջադրման միջոցով Հանրապետության նախագահի 2013թ. փետրվարի 18-ին կայանալիք ընտրություններում թեկնածու առաջադրվելու համար «Ազգային համաձայնություն» կուսակցության նախագահ Արամ Հարությունյանի փաստաթղթերը: Այս մասին Pastinfo.am-ի թղթակցին ասել է ԿԸՀ նախագահի մամուլի քարտուղար Հերմինե Հարությունյանը:
Այսպիսով` ԿԸՀ-ն դեկտեմբերի 25-ից ի վեր արդեն ստացել է թեկնածուների առաջադրման հինգ հայտ:
Նախորդ երկու օրերին առաջադրվել էին ՀՀ գործող Նախագահ, ՀՀԿ առաջնորդ Սերժ Սարգսյանը, «Ազգային ինքնորոշում միավորում» կուսակցության նախագահ Պարույր Հայրիկյանը, անկուսակցականներ, ոչ մի տեղ չաշխատող` էպոսագետ, 1967թ.-ին ծնված Վարդան Սեդրակյանը և 1970թ.-ին ծնված Մհեր Հայրապետյանը: Ս.Սարգսյանն առաջադրվել է ՀՀԿ-ի կողմից, մնացած երեքը` ինքնաառաջադրման միջոցով:
