Մահվան ելքով վրաերթ՝ Լոռու մարզում. հետիոտն տեղում մահացել է
Դեկտեմբերի 28-ին, վրաերթ է տեղի ունեցել Լոռու մարզում: Ժամը 18:30-ի սահմաններում, Երևանի Բաշինջաղյան փողոցի բնակիչ, 54-ամյա Կարապետ Կամիկյանը վարելով «Ford transit» մակնիշի 2571 Լ համարանիշի ավտոմեքենան, Երևան-Վանաձոր-Սպիտակ ավտոճանապարհի 4-րդ կմ հատվածում վրաերթի էր ենթարկել հետիոտնին: Այս մասին հաղորդում է shamshyan.com կայքը:
ֆոտոլրագրող Գագիկ Շամշյանը հայտնում է, որ վրաերթի ենթարկվածը տեղում մահացել է, վարորդը փախուստի չի դիմել: Նա Բագրատաշենից Երևան վերադառնալիս է եղել: Ոստիկանությունը պարզել է մահացածի ինքնությունը: Նա Լոռու մարզի Արջահովիտ գյուղի բնակչուհի 32-ամյա Սուսաննա Աղասարյանն էր:
