Այս պահին ինձ միայն Սանթոսի մարզաշապիկով եմ տեսնում. Նեյմար
«Սանթոսի» հարձակվող Նեյմարը հերքել է այն տեղեկությունը, թե ձմռանը կարող է տեղափոխվել «Մանչեսթեր Սիթի»։
««Սանթոսում» ինձ ամեն բան դուր է գալիս, ես այստեղ ունեմ ընտանիք, որդի, ընկերներ, այնպես որ դեռ չեմ պատրաստվում հեռանալ։ Սակայն այդ օրն էլ կգա, քանի որ մանկուց ես երազում եմ հանդես գալ Եվրոպայում։ Սակայն այս պահին ինձ միայն «Սանթոսի» մարզաշապիկով եմ տեսնում», – Նեյմարի խոսքերն է մեջբերում Sky Sports-ը։
Նշենք, որ ավելի վաղ իսպանական մամուլում տեղեկություն էր հայտնվել, թե Նեյմարը նախնական համաձայնության է եկել «Բարսելոնայի» հետ։
Մարզական լրահոսն ապահովում է SportArmenia.com-ը
