ՀՅԴ-ն կբոյկոտի՞ ընտրությունները. մամուլ
«Երեկ տեղի ունեցավ Դաշնակցություն կուսակցության արտահերթ Գերագույն ժողովը: ՀՅԴ-ն այդ ժողովում պետք է որոշում կայացներ, թե 2013 թ. նախագահական ընտրություններին ինչ ձևաչափով է մասնակցելու: «Ժամանակի» հարցին ի պատասխան ՀՅԴ խորհրդարանական խմբակցության քարտուղար Աղվան Վարդանյանն ասաց, որ նախագահական ընտրությունների մասնակցության հետ կապված Գերագույն ժողովում որոշում ընդունվել է, բայց այդ մասին հանրությանը կտեղեկացնեն այսօր հրավիրվելիք մամուլի ասուլիսի ժամանակ»,- գրում է «Ժամանակ» օրաթերթն ու հավելում.
«Որոշ տեղեկությունների համաձայն` ՀՅԴ-ն հնարավոր է թեկնածու առաջադրի որևէ ընտրություններում չառադրված անդամի: Տվյալ դեպքում խոսքը Ա. Ռուստամյանի մասին է: Ի դեպ, Ա. Ռուստամյանն առաջին գործիչն էր, ով մոտ երկու ամիս առաջ հայտարարել էր, թե կարելի է քննարկել նաև նախագահական ընտրությունները բոյկոտելու տարբերակը»:
