33 տոննա տարողությամբ ակուլաներով ակվարիումը՝ գնորդների գլխին (տեսանյութ)
Չինաստանի Շանհայ քաղաքի առևտրի կենտրոններից մեկի առաջին հարկում անսպասելիորեն պայթել է 33 տոննա տարողությամբ ակվարիումը, որում եղել են շնաձկներ, կրիաներ և տարատեսակ ձկներ: Մինչև 25 սմ ապակե բեկորները, ծովային կենդանիներն ու ամբողջ ջուրը թափվել է գնորդների գլխին:
Ականատեսներից մեկի խոսքով՝ ձայնն այնքան ուժեղ է եղել, որ բոլորին թվացել է՝ ռումբ է պայթել: The Inquisitr-ի հաղորդմամբ՝ մի տղամարդ կոտրել է ոտքը և մի քանի բաց վնասվածք ստացել, որից հետո հոսպիտալացվել է: Մյուս տուժողներն առանձնակի վնասվածքներ չեն ստացել և առաջին օգնություն ստանալուց հետո դուրս են գրվել հիվանդանոցից:
Հաղորդվում է, որ պատահարի արդյունքում 3 շնաձուկ է սատկել, մի քանի կրիա և ձկների մեծամասնությունը: Ակվարիումի պայթելու պատճառը դեռևս հայտնի չէ:
