Մեկ օրում` երկու մահ. մամուլ
«Դեկտեմբերի 23-ին, ժամը 15:30-ի սահմաններում Լեռնային Ղարաբաղի N զորամասի մարտական հենակետում հայտնաբերվել է պարտադիր ժամկետային զինծառայող, 1992-ին ծնված Դավիթ Սարգսի Սարգսյանի դին` մահացու հրազենային վնասվածքով: Ըստ ԼՂՀ ՊԲ-ի` հարուցվել է քրեական գործ, կատարվում է նախաքննություն:
Ցավոք, սա օրվա միակ բոթը չէ բանակից: Նույն օրվա առավոտյան զորահավաքակայանից ԼՂՀ զորամասերից մեկը ծառայության տեղափոխելու ժամանակ վատացել, ապա հոսպիտալում հանկարծամահ է եղել զորակոչիկ, 1994-ին ծնված Նորայր Նվերի Սահակյանը` զորակոչված Նուբարաշենից: ՊՆ-ի փոխանցմամբ, նրա մահվան փաստի առթիվ հետաքննություն է իրականացվում, հարուցվել է քրեական գործ: Նորայրի հարազատները պնդում են, որ նա բռնցքամարտով էր զբաղվում և առողջական խնդիրներ չուներ»,- գրում է «Հայկական Ժամանակ» օրաթերթը:
