Աժ նախագահը պարտավոր է 10-օրյա ժամկետում պատասխան տալ. մամուլ
«Առավոտ» օրաթերթը գրում է. «ԱԺ էթիկայի հանձնաժողովում քննություն է ընթանում Արմեն Ռուստամյանի դիմումի հիման վրա: Երեկ հանձնաժողովը որոշել է այդ առնչությամբ հարցում ուղարկել Աժ նախագահ Հովիկ Աբրահամյանին: Հանձնաժողովի նախագահ Նիկոլ Փաշինյանը նիստից հետո նշել է, որ էթիկայի հանձնաժողովն իրավասու է ցանկացած պետական մարմնից ստանալ իրեն անհրաժեշտ տեղեկություններ, ուստի այդ գործի քննության շրջանակներում դիմել են Հովիկ Աբրահամյանին, որը պարտավոր է 10-օրյա ժամկետում պատասխանել:
Հարցին` քանի որ Աժ նախագահը ևս ընդգրկված է այդ 83 պատգամավորների մեջ, որոնք բոյկոտել են Աժ արտահերթ նիստը, ինչքանո՞վ է տեղին, որ հարցն իրեն եք ուղղել` Նիկոլ Փաշինյանը պատասխանեց. «Մենք չունենթքԱժ նախագահի վերաբերյալ դիմում: Մենք ունենք պատգամավորների վերաբերյալ դիմում: Մենք չենք դիմում պատգամավոր անհատի: Դիմում ենք Աժ նախագահին, որը օրենքով սահմանված պարտականություններ ունի»»:
