Արագածոտնի մարզում իրար են բախվել 10 ավտոմեքենա
Արտակարգ իրավիճակների նախարարությունը տեղեկացնում է, որ դեկտեմբերի 21-ին ժամը 11։07-ին ահազանգ է ստացվել, որ Արագածոտնի մարզի Արայի գյուղ-Քուչակ ավտոճանապարհի 2-րդ կիլոմետրում տեղի է ունեցել ճանապարհատրանսպորտային պատահար։ Դեպքի վայր է մեկնել մեկ մարտական հաշվարկ։ Պարզվել է, որ ավտոճանապարհը մերկասառույցի և մառախուղի հետևանքով առաջացած վատ տեսանելիության պատճառով դժվարանցանելի է։ Մոտ 200 ավտոմեքենա հայտնվել է խցանման մեջ։ Բախվել է 10 ավտոմեքենա, որի հետևանքով մեկ քաղաքացի ստացել է թեթև մարմնական վնասվածք և տեղափոխվել Ապարանի բժշկական կենտրոն։ ԱԻՆ-ի դեպքի առնչությամբ կտա լրացուցիչ տեղեկատվություն։
