Հովիկ Աբրահամյանն ուզում է, բայց չի ներկայացնի Արփինե Հովհաննիսյանին
168.am-ի տեղեկություններով՝ ԱԺ նախագահ Հովիկ Աբրահամյանը ցանկանում է, որ Էթիկայի հանձնաժողովի ՀՀԿ-ական նոր անդամը լինի Արփինե Հովհաննիսյանը: Ինչպես արդեն տեղեկացրել էինք, երեկ ԱԺ-ն փոփոխություն կատարեց ԱԺ կանոնակարգ-օրենքի 24-րդ հոդվածում, և այդ փոփոխության արդյունքում՝ ՀՀԿ խմբակցությունը Էթիկայի հանձնաժողովում ունենալու է ոչ թե մեկ, այլ երկու ներկայացուցիչ: Ավելորդ խոսակցություններից խուսափելու նկատառումներից ելնելով, ԱԺ նախագահ Հովիկ Աբրահամյանը խնդրել է, որ Արփինե Հովհաննիսյանի թեկնածությունն առաջադրի Դավիթ Հարությունյանը, ով Էթիկայի հանձնաժողովում ՀՀԿ ներկայացուցիչն է:
