Ինչպիսի՞ ձեռնոցներ են առաջարկում աշխարհահռչակ նորաձևության սրահները (լուսանկարներ)
Այս տարվա ձմռանը դարձյալ մոդայիկ են ձեռնոցները: Giorgio Armani -ի 2012/2013 թվականների աշուն-ձմեռ հավաքածուի մեջ ներկայացված շատ կարճ ձեռնոցներն ավելի շատ գունագեղ աքսեսուարներ են, քան ձեռքերը ցրտից պաշտպանելու միջոց:
Lanvin նորաձևության սրահն առաջարկել է կաշվե վառ գույներով ձեռնոցներ, որոնք համադրել է տարբեր գույներով վերարկուների հետ:
Nina Ricci-ն առաջարկել է կաշվե, ատլասից և ժանյակազարդ շատ երկար ձեռնոցներ, որոնք ընկերությունը համադրել է նաև երեկոյան զգեստների հետ:
Chanel-ն իր ցուցադրությանն էր ներկայացրել առանց մատների հետաքրքիր դիզայնով և վառ գույներով ձեռնոցներ:
Missoni-ն երկար կաշվե ձեռնոցների հետ համադրել էր խոշոր աքսեսուարները՝ մատանի, թևնոց:
Burberry Prorsum-ը ներկայացրել է կարճ, կաշվե ձեռնոցներ՝ կոպիտ և ագրեսիվ, մետաղյա սուր կոճգամներով:
Alexander Wang-ն առաջարկել է անբնական նյութերով կարված ձեռնոցներ:
John Galliano-ն, Carolina Herrera-ն և Diane von Furstenberg-ը, Christian Dior-ը, Roberto Cavalli –ն, Dolce Gabbana-ն ևս հետաքրքիր՝ երկար ու կարճ, կաշվե տարբեր երանգներով ձեռնոցներ են առաջակում ոչ միայն վերարկուների, այլև ամենօրյա և երեկոյան զգեստների հետ:
