Էթիկայի հանձնաժողովի վերաբերյալ օրինագիծն ընդունվեց
ԱԺ-ն 70 կողմ, 6 դեմ ձայների համամասնությամբ ընդունեց «ԱԺ կանոնակարգ-օրենքում էթիկայի հանձնաժողովի կազմավորման հարցում փոփոխություններ կատարելու մասին» օրինագիծը:
ՀՅԴ-ն՝ չնայած հայտարարել էր, որ բոյկոտում է քվեարկությունը, այնուամենայնիվ, մասնակցեց քվեարկությանը՝ դեմ քվեարկելով օրինագծին:
ՀՅԴ խմբակցության պատգամավոր Վահան Հովհաննիսյանը հայտարարեց, թե իրենք որոշել էին բոյկոտել՝ հաշվի առնելով այն հանգամանքը, որ այդկերպ քվերում չէր լինի ԱԺ-ում և օրինագիծը կտապալվեր: Սակայն՝ տեսնելով, որ այլևս քվորումն ապահովված է, ՀՅԴ-ն, ըստ Վահան Հովհաննիսյանի՝ որոշեց քվեարկությանը մասնակցել՝ արձանագրելով ՀՅԴ-ի դիրքորոշումը այս օրինագծի վերաբերյալ:
