ԱԺ ընդդիմությունն ու այլընտրանքը բոյկոտեցին
Քիչ առաջ «ԱԺ կանոնակարգ-օրենքում էթիկայի հանձնաժողովի կազմավորման հարցում փոփոխություններ կատարելու մասին» օրինագծի քննարկման ժամանակ ԱԺ չորս խմբակցությունների ներկայացուցիչները՝ «Ժառանգություն», ՀՅԴ, ԲՀԿ և ՀԱԿ, հայտարարեցին, որ իրենք բոյկոտելու են այն և չեն մասնակցելու քվեարկությանը:
Իսկ ՀՅԴ խմբակցության պատգամավոր Վահան Հովհաննիսյանը հայտարարեց, որ այս պահին դահլիճում ներկա է 63 պատգամավոր՝ ՀՀԿ-ից, ՕԵԿ-ից և անկախ պատգամավորներից, և քվեարկությունը կտապալվի քվորումի բացակայության պատճառով:
ՀՀԿ խմբակցության ղեկավար Գալուստ Սահակյանն ԱԺ-ից 20 րոպե ընդմիջում խնդրեց՝ իր գործընկերներին ԱԺ դահլիճ բերման ենթարկելու համար:
