«Հաղթող թեկնածուն»` ընդամենը ճորտատեր. մամուլ
«Արագածոտնի մարզի Զովասար գյուղի բնակիչ, երկու երեխաների հայր Խաչիկը երեկ` մեր թղթակցի հետ զրույցում հայտարարել է, որ ինքն արդեն կողմնորոշվել է, թե առաջիկա նախագահական ընտրություններում ում է ընտրելու: Խաչիկն ընտրելու է Սերժ Սարգսյանին: Եվ ինչու՞: Խաչիկը համոզված է, որ ինքը պարտավոր է նրան ընտրել, որովհետև աշխատանք ունի, չի ուզում աշխատանքը կորցնել, ամսական 30 հազար դրամ աշխատավարձ է ստանում և իր այդ աշխատավարձով կարողանում է ամսվա 10-15 օրն իր երեխաներին, իր ընտանիքին «յոլա տանել»»,- գրում է «Հայկական Ժամանակ» օրաթերթը:
