Մենք դեռ չեմպիոն չենք. Չավի
«Բարսելոնայի» կիսապաշտպան Չավին համաձայն չէ այն մտքի հետ, որ իրենք արդեն իսկ նվաճել են Իսպանիայի չեմպիոնի կոչումը։
Հիշեցնենք, որ Իսպանիայի առաջնության 16 տուրերից հետո «Բարսելոնան» գտնվում է առաջին հորիզոնականում և համապատասխանաբար՝ 9 և 13 միավորով գերազանցում է Մադրիդի «Ատլետիկոյին» և «Ռեալին»։
«Իհարկե, երջանիկ ենք և գոհ, որ մրցաշարային աղյուսակում առաջինն ենք։ Միայն մեկ խաղում ենք միավորներ կորցրել։ Պետք է նույն ոգով շարունակել, սակայն «Բարսելոնայի» այս առավելությունը ոչ մի կերպ չի նշանակում, որ մենք արդեն նվաճել ենք չեմպիոնի կոչումը», – Չավիի խոսքերն է մեջբերում Sport.es-ը։
Մարզական լրահոսն ապահովում է SportArmenia.com-ը
