Ֆալկաոն կարող է բաց թողնել Բարսելոնայի հետ հանդիպումը
Մադրիդի «Ատլետիկոյի» առաջատար Ռադամել Ֆալկաոյի մասնակցությունը «Բարսելոնայի» հետ առաջիկա հանդիպմանը հարցականի տակ է։ Football Espana-ի տվյալներով` կոլումբացին առողջական խնդիրների պատճառով բաց է թողել այսօր կայացած թիմի մարզումը։
Հաղորդվում է, որ ֆուտբոլիստը մկանային խնդիր ունի։ «Բարսելոնայի» հետ առաջիկա հանդիպմանը ֆուտբոլիստը կարող է չմասնակցել։
Նշենք, որ հենց այս խնդրի պատճառով նա չէր հայտավորվել երեկ կայացած Իսպանիայի գավաթի «Խետաֆեի» հետ հանդիպմանը։
Մարզական լրահոսն ապահովում է SportArmenia.com-ը
