Մխիթարյանը խփել է 18 գնդակ 17 խաղում. նույնիսկ ես ինձ նման բան թույլ չէի տալիս. Լեոնենկո
Կիևի «Դինամոյի» նախկին հարձակվող Վիկտոր Լեոնենկոն խոսել է «Շախտյորի» հայ ֆուտբոլիստ Հենրիխ Մխիթարյանի մասին։
«Մխիթարյանին այս մրցաշրջանում խփած գոլերի քանակով ոչ ոք չի գերազանցի։ Սա Մխիթարյանի լավագույն մրցաշրջանն է։ Կարծում եմ, որ տղան նույնպես չի հասկանում, թե ինչ է իր հետ կատարվել։
Իր համար բարդ կլինի պահել նման արդյունավետությունը։ Եթե դու մրցաշրջանի առաջին կեսում բազմաթիվ գոլերի հեղինակ ես դարձել, ապա գոնե դա մասնակիորեն պետք է կրկնես։ Ցանկանում եմ, որ նա շարունակի նման մակարդակով ելույթներ ունենալ և բազմաթիվ գոլերի հեղինակ դառնա։
Հենրիխը լուրջ ֆուտբոլիստ է։ Խփել է 18 գնդակ 17 խաղում, նույնիսկ ես ինձ նման բան թույլ չէի տալիս (ժպտում է)։ Դա շատ մեծ թիվ է»,- Լեոնենկոյի խոսքերն է մեջբերում Championat.com կայքը։
Մարզական լրահոսն ապահովում է SportArmenia.com-ը
