Ալիկ Սարգսյանը գոհ է, որ այսօր փողոցում չի հայտնվել. մամուլ
«Ժամանակ» օրաթերթը գրում է. «Թեև պաշտոնյաների տների վրա ավազակային հարձակման` «բանդայի» գործը բացահայտվեց ՀՀ նախկին ոստիկանապետ Ալիկ Սարգսյանի պաշտոնավարման ժամանակ, սակայն նույնիսկ դա չգնահատվեց, և նա ազատվեց պաշտոնից, քանի որ քաղաքական որոշում կար: Երեկ այս առթիվ «ժամանակի» հարցին ի պատասխան Ալիկ Սաիգսյանն ասաց.
«Գնահատվել է, որ ես էսօր աշխատում եմ: Դա նույնպես գնահատանքի ձև է, որ ես էսօր փողոցում չեմ հայտնվել, նորմալ ա: Իսկ բանդայի հետ կապված հազարավոր հանցագործություններ են բացահայտվել, էդ ժամանակ ես եղել եմ ոստիկանապետ: էնպես չի, որ ես եմ դա բացահայտել: Մի ամբողջ գումարտակ է աշխատել, մի ամբողջ օպերատիվ ծառայություն է աշխատել տարբեր ինստանցիաներով, քննչական ծառայություններով հասել ա դատարան: Ինչ կապ ունեմ Ես դրա հետ: Թող բոլոր մարդիկ երեք տարի, երեքուկես տարի աշխատեն, տեղափոխվեն այլ աշխատանքի և ոչ թե մնան տարիներով, տասը տարիներով, որը կարծում եմ` նույնպես նորմալ չի»»:
