Լևոն Տեր-Պետրոսյանը կառաջադրվի՞ արդյոք. մամուլ
«Հայ ազգային կոնգրեսի առաջնորդ, ՀՀ աոաջին նախագահ Լևոն Տեր-Պետրոսյանն առաջադրվելո՞ւ է 2013 թվականի ՀՀ նախագահական ընտրություններում որպես նախագահի թեկնածու, թե` ոչ: Այսօրվանից սա կլինի ամենաշատ հնչող հարցը»,- գրում է «Հայկական Ժամանակ» օրաթերթը և շարունակում.
«Երեկվա դրությամբ, ՀԱԿ կենտրոնական գրասեն յակում հարցի պատասխանը չունեին: Լևոն Տեր-Պետրոպանի մամուլի խոսնակ Արման Մուսինյանը մեր թղթակցին ասել է, որ Կոնգրեսի քաղխորհրդում այժմ քննարկումներ են ընթանում, և հարցի պատասխանը կհնչի այդ քննարկումների ավարտից հետո: Մուսինյանը նույնն է ասել նաև ԲՀԿ նախագահ Գագիկ Ծառուկյանի` որպես թեկնածու չառաջադրվելու և որևէ այլ թեկնածուի չսատարելու որոշման առիթով:
«ՀԱԿ քաղխորհրդի քննարկումների ամփոփումից հետո հայտարարություն կլինի»,- ասել է Մուսինյանը: Փաստորեն, երեկ քաղխորհրդի նիստի հիմնական հարցը եղել է հենց Տեր-Պետրոսյանի առաջադրումը: Թե ովքեր են կողմ արտահայտվել առաջադրմանը, ովքեր դեմ` հայտնի չէ: Դժվար է ասել նաև` իր հայտարարությունը ՀԱԿ-ը նույնպես կձգձգի՞, թե` ոչ»:
