Րաֆֆի Հովհաննիսյանը վստահ է, որ հաղթելու է նախագահական ընտրություններում
Դեկտեմբերի 22-ին Րաֆֆի Հովհանիսյանը «Ժառանգություն» կուսակցության համագումարում հնարավոր է անի իր կյանքի ամենապատասխանատու հայտարարությունը: Այս մասին այսօր՝ դեկտեմբերի 12-ին Վանաձոր այցի ժամանակ լրագրողների հետ զրույցում ասել է ինքը` Րաֆֆի Հովհաննիսյանը, հաղորդում է news.am կայքը:
«Դեկտեմբերի 22-ին Երեևանի Արմենիա Մարիոթ հյուրանոցում լինելու է իմ և «Ժառանգության» համատեղ քաղաքացիական-քաղաքական հավաք համագումարը, որտեղ ես հանդես կգամ հայտարարությամբ, կորոշենք առաջիկա գործընթացների մեր մասնակցության ձևաչափը և բովանդակությունը…»,-ասել է Րաֆֆի Հովհաննիսյանն ու հավելել, որ ինքը անպայման առաջադրվելու է որպես նախագահի թեկնածու:
«Դեկտեմբերի 22-ին մենք ավելի մանրամասն կխոսենք իմ՝ նախագահական ընտրություններում առաջադրվելու մասին, և ես վստահ եմ, որ մենք հաղթելու ենք, և ես վստահ եմ որ ազատ արդար ընտրությունների միջոցով առաջին անգամ ժողովուրդը կբերի իշխանության փոփոխության»,- եզրափակել է Րաֆֆի Հովհաննիսյանը:
