Բեքհեմը կարող է պաշտոն ստանալ Անգլիայի ֆուտբոլի ասոցիացիայում
Անգլիայի ֆուտբոլի ասոցիացիայի ղեկավար Դևիդ Բերնշտայնը չի բացառել, որ Անգլիայի ընտրանու նախկին կիսապաշտպան Դևիդ Բեքհեմը կարող է պաշտոն զբաղեցնել իր գլխավորած կառույցում:
«Բեքհեմն անգլիական ֆուտբոլի համար կարևոր երևույթ է: Հնարավոր է` որևէ փուլում մեր ճանապարհները խաչվեն: Կարծում եմ` Բեքհեմն աշխարհում ամենաճանաչելի մարզիկն է: ԱՖԱ-ին նրա հետ համագործակցությունը կարող էր մեծ շահ բերել»,-նշել է Անգլիայի ֆուտբոլի ասոցիացիայի ղեկավարը:
Նշենք, որ 37-ամյա ֆուտբոլիստը, ով դեկտեմբերի սկզբին լքեց «Լոս Անջելես Գելաքսին», դեռ չի որոշել իր հաջորդ ակումբը:
Մարզական լրահոսն ապահովում է SportArmenia.com-ը
