Ինտերը պատրաստ է Լևանդովսկու համար 25-30 մլն եվրո վճարել
«Ինտերի» մարզչական շտաբը հետաքրքրված է Դորտմունդի «Բորուսիայի» հարձակվող Ռոբերտ Լևանդովսկու ծառայություններով։ Այս մասին հայտնում է T-Online-ը։
Իտալական գրանդը պատրաստ է լեհ ֆուտբոլիստի տեղափոխության դիմաց վճարել 25-30 մլն եվրո։ «Ինտերի» ղեկավարությունը այլ հարձակվողների թեկնածություններ ևս քննարկում է, սակայն շեշտը դրել է հենց Լևանդովսկու տրանսֆերի վրա։
Սակայն միլանյան ակումբն այստեղ ունի մրցակից՝ «Յուվենտուսը»։ Թուրինյան ակումբի ներկայացուցիչները, ինչպես նշվում է իտալական մամուլում, արդեն իսկ կապ են հաստատել Լևանդովսկու հետ։
Մարզական լրահոսն ապահովում է SportArmenia.com-ը
